Dimandarea Parinteasca,
Parinteasca Dimandare
N-aspirgiura cu foc mare
Frats di muma shi di-un tata,
Noi, Armani di eta toata.
Di sum plocile di murmintsa
Striga-a nostri buni parintsa
"Blastem mari s-aiba-n casa
Cari di limba-a lui s-alasa.
Cari-shi lasa limba-a lui
S-lu-arda pira-a focului,
Shi s-dirina viu pri loc,
Sa-li si friga limba-n foc
El an vatra-li parinteasca
Fumealia s-nu-si hariseasca;
Di fumeli curuni s-nu base
Nicu an leagan si nu-nfase.
Cari fudze di-a lui muma
Shi di parinteasca-li numa,
Fuga-li doara-a Domnului
Si dultseamea-a somnului!"
