Bucureshti - Casa George Murnu

Tu aiestî casî arhundeascî tu mesea di Bucureshti bână George Murnu, un armân mutu nâmusitu tu România.

Pi ninga multi alti lucri, George Murnu adră apridutsearea cu anami tu limba română a Odiseii shi Iliadiei shi anyrâpsi multi poemati pi limba noastă armânească: Flambura noastă, Sghic di moarte, Veria, Picurarlu, Cântic tri armâname, etc...
S-tradzi ditu unî fumealji di oamini multu anvitstatsî tsi îi mai deadirî pi Ary Murnu (grafician/frati cu George) shi Ion Lucian Murnu ( pictor, sculptor/fciorlu al Ary).

Bucureshti - Casa Kimon Loghi

Tu aiestî casă di pi calea Viishoarei  bână shi lucră Kimon Loghi,  un mari  pictor armân.

Fu faptu la 1873 Serres tu Gârtsii, shi anvitsă pictură Munchen shi Bucuresthi. Avu dascăli pi Theodor Aman shi Frederick Storck.

Multi ditu cadrili a lui suntu aspâstriti azî la MNAR shi Pelesh.

 Arhitectura casiei fu adratî  di un mari arhitectu shi un mastur art-deco armân, Arghir Culina.   

Ma-nghiosu suntu ndau cadri zuyrâpsiti di Kimon, tsi li aflai pi internetu: Macedoneanca, Orientala shi Zâna Lacului.

Bucureshti - Apostol Mărgărit

Bucureshti - Dimitrie Bolintineanu

Bucureshti - Toma Caragiu

Sibiu