Bulevardul Carol I nr 54 A - Bucureshti

Azburâi nihiamdî tu articolul dit soni di arhitectlu Enzo Canella shi casa tsi u adră ti inginerul di arâzgî armânî, Dumitru Minovici. Pi Bulevardul Carol I duchii nica un adărămintu adrat di italianlu Enzo Canella, deadun cu un ahitectu armân, Constantin Jojea (anyrâpsit shi Joja, 1908-1991). Adărămintului îi si dzâtsea tu atsea etî Garajele Prahova,  fu adrat anvârliga di 1934 shi ari sinurli pânî di Calea Moșilor.

Oarî bunî

Cornel Samara

Muzeul de Artă Veche Apuseană - Ing. Dumitru Furnică Minovici - Bucureshti

Pi idyea sucachi cu Muzeulu Nicolae Minovici iasti  Muzeulu Dumitru Minovici. Adărămintul ari prosup Tudor (inglizescu) shi fu minduit di nicuchir deadun cu arhitectul italian Enzo Canella (di la ghid anvitsai cî pi italiană la scorțișoară îs dzâtsi canella; câftai acasî tu dictsionarlu al Cunia,  shi nu-nj yini s-pistipsescu cî pi armâneashti, la scorțișoară s-dzâtsi . . .canelî).
Inginerlu Dumitru Minovici (1897-1982) era soi cu fratslji Minovici, îi avea lali (dada al Dumitru era amintatî Minovici, eara soră cu Nicolae, Mina shi Ștefan).
Adărămintul ari 27 di udadz, ama ti dunjeau suntu vârnu 3 dishcljishi. Achicâsii câ pisti vârnu îndoi meshi va-s da cali shi la atseali di-ndzeanî.
Nâuntru suntu apânghisiti lucri dip vechi di pisti 4-500 di ani shi di unî mushuteatsî ahoryea: tufechi, agalmi, cărtsî, vitralii, cundiljiuri (Madona di Bernardino Luini, elev al lui Leonardo), sfinduchi, scamnuri, un shemineu toscan di vâr 400 di anj shi multi multi alti.
Casa cu tuti luyuriili di artă fu donată di Dumitru Minovici ti Academia Română.

Oarî bunî.

Cornel Samara